|
| 
|
وسواس الحسد وسواس الكفر و.ذ.ت.ق م3
السلام عليكم
بصراحة أنا ارتعبت من كلامكم شو قصدكم إنه أنا جد قتلتهم وما بدي أكون بعطي لا عين ولا حسد سواء كان عن عمد ولا لا شو قصدكم جدد؟؟ إنه أنا آه أعطيت عين وحسد بس بدون قصد كيف يعني طب منا بذكر ربنا وشعوري فش فيه شيء من تمني زوال نعمة ولا غيره ولا عمري كنت هيك طول حياتي وما عمري صبت شيئا بالعين ولا عمري صدقت الموضوع أصلا كيف يعني قصدكم أنا بعطي بس آه بالغلط.
وبخصوص يلي اسمها "رغد" ما بعرفها وكيف يعني أنا وإياها نفس الحساب؟
هسا جد. جد شو قصدكم لأني أنا ارتعبت جد.
20/9/2024
وأرسلت ثانية تقول:
السلام عليكم
أنا جد بدي أنهي هاد الموضوع وبدي أحكي لكم شغلة وهي إني أنا صار لي فترة يعني لحد ما أنتم رديتم علي بالأخص موضوع إنه أنا بحسد وبعطي عين بدون قصد أنا صار لي فترة بحاول أنسى الموضوع وأفكر بمنطقه وأقول لو فعلا كان صار بنفس اللحظة وإذا ذكرت ربنا دائما وبحاول أنسى الموضوع وأضغط على حالي بس بعد هاد الرد بصراحة أنا جد. مش عارفة شو أعمل والله العظيم أنا خلص تحملت فوق طاقتي بعرف إني مش منطقية وأفكاري مش طبيعية بس جد مش عارفة شو أحكي شو ما بدي أطلب منكم إلا شغلة واحدة تحكون لي أنا جد بعطي عين وحسد بدون قصد؟
وبخصوص الزلمة يلي جاءته جلطة دماغية واضح أن بعائلتهم هل شغلة وراثية أخوه الله يشفيه عامل عملية لقلبه وأنا قرأت إن أسباب الجلطة الدماغية هي أمراض قلب وأشياء وراثية المهم وقرأت عن العين أنها بتصيب بنفس الوقت ولو جد بسببي كان المفروض يخسر ماله بس ماشي لو أن العين أذته هو شخصيا مع أني ما بعرفه أبدا ولا عجبني فيه شيء كإنسان ولا حسدته على شيء وكله كان عبارة عن شعور غريب وفكرة أغرب بس فرضا لو أن أنا ممكن أكون ضريت جسديا مش المفروض الجلطة أجتو تاني يوم أنا ما بعرف جد هل تاني يوم ولا شو بس أقرب منشور شفته عن الموضوع كان بعد بـ ٢٥ يوم فأنا مش عارف الشعور كان زي إنه آه فعلا بحسدهم وأن شيئا حلوا أنهم أغنياء ومع شعور غريب أنا وأنا بحس بالشعور قلت آه جد شيء حلو أنهم أغنياء وأنه آه جد. عاد حسد علما إني ما أتمنى أي شر ولا زوال نعمة ولا استكثرتها بس أعجبني أن عندهم مصاري وأنها مخلياهم يعيشون بحياة مرتاحة الحمدلله مع أني عمري ما فكرت بهيك طريقة بالمرة.
المهم أنه مش المفروض يخسر ماله وبعدين هو صاحب المال مش أبوه بس يمكن عشان أن أعجبتني حياتهم راح مات ما بعرف بصراحة المهم أنا لما جاءني الشعور الغريب على الأب أكيد ذكرت ربنا بس تأخرت ثواني وبعدين أصلا لما فكرت بأنهم أغنياء قمت من مكاني وذكرت ربنا عليهم كلهم بس أكيد الموضوع أني تأخرت ويمكن ذكرت ربنا وأنا بفكر بس مش متأكد منها وغالبا لا بس لما قمت ذكرت ربنا وأنا مش عارفة والله العظيم مش عارفه شو أحكي مش فاهمة أنا هل أنا جد. سبب في قتله سواء عمد ولا لا أنا بحكي جد مع إني حاسة أن لا شو دخلني بالأخص أني ذكرت ربنا ولو تأخرت وحسيت الشعور أهبل لأني أنا عمري ما فكرت هيك بس يمكن صرت أحسد جد بعد ما جاءني الوسواس مش عارفة يمكن هاد حسد أو عين جد مش عارفة أقدر الموقف وبصراحة بعد كلامكم أنا على الحافة خلاص أنا ما بعرف شو ممكن بطلع معي بعد الكلام يلي فهمته وهو أني آه بعطي عين وبحسد بس بدون قصد.
أنا مابدي أكون هيك، حتى لو فش ذنب كيف يعني أنا أقتل؟ كيف طول عمري بهرب من الذنوب ليش الموضوع لاحقني؟
الله يلعني هاد إذا ربنا ما كان لاعني جد.
20/9/2024
وأرسلت ثالثة تقول:
السلام عليكم
بس بدي أحكي كلام يوضح الوضع يلي أنا فيه ليش ليش طيب أنا شو عملت شو ذنبي؟ ليه أصير أسمع أصوات كفر بعقلي ليه أحس أني استهزئت طب ليش أتذكر الماضي وانرعب وليه كل ما أقرأ عن ذنب بالدين يصيبني وسواس فيه حتى القذف هاد الله أعلم لسا إذا عمركم سمعتم بهيك شيء قال إذا بعمل حركة معينة أو بحكي شيء معين أنا قذفت ومش حوصف قديش كنت متوترة مرعوبة وعدا الأفعال يلي كنت أعملها من طلب سماح وغيره وكمان وسواس أن أصحاب المحلات خربطم معي وما أخذوا مصاريهم وأضطر أرجع وأروح أعطيهم مصاري عشان خوفا ليكونون خربطوا معي.
وسواس العين والحسد شرحت ألف مرة وهاد أكثر شيء دمر حياتي أصلا أنا ما كنت أعرف لا شو يعني عين ولا حسد ولا بعرف معناهم ولا كنت مصدقة كثير أنا وصلت في الأمور أضطر أقول ما شاء الله على قلب إنسان وأقعد أقول ما شاء الله على أجزاء قلبه وأجزاء دماغه وأعضاء جسمه عضو عضو مش عارفة أنا أضحك على حالي ولا أندم ولا إيش بعد كل هاد بالنهاية أصير حاسدة وبعطي عين وقاتل؟
أنا مش عارفة شو دحكي أنا خلاص أحس أني كرهت حالي والدنيا وبديش أحكي كلام غلط ممكن يخليني أطلع من الإسلام يلي أنا حاليا ما بمتلك منه شيء غير الشهادتين تدمرت حياتي لا صلاة لا ذكر وما بحب أسمع القرآن بعد ما كنت مهتمة وأحاول أنا شو ذنبي يعني لا طفولة ولا مراهقة وما أظن حيكون في مستقبل أصلا لأني مستحيل أعيش مع فكرة أني قاتل قال بس شو بدون قصد ومعلييش ذنب أنتم عارفين شو يعني قتل عارفين الضمير يلي مش راح يتركني أنا قلت لكم بدقق عل تفاصيل لو جد أنتم تقولون وسواس ليه تحكون لي الغير عمد ينطبق على حالتي وهاد يلي أكد لي فكرة إني آه حسدت وأعطيت عين علما أني فكرت بمنطقية أن أنا معحبنيش فيهم شيء شخصيا لا صحة ولا جمال ولا غيره وحتى الأشياء المادية عمري ما اهتميت يمكن كنت أغار من شخص واحد بدون تمني زوال نعمة ولا غيره وكلنا بنغار وكنت ما أحب عاد الشعور وأتجاهله بس أنا توصل فيني لهون ما عندي هسا شيء ممكن أعمله إما إني أروح أعيط وأهين نفسي الناس يلي ما بتفهمني أو إني أنتحر أو أظل بهاد الحال بتمنى أموت وما أظن راح أتحمل الحياة أكثر من الـ ١٤ يوم يلي راح أستنى فيهم إنكم تردون وتفهموني قصدكم.
20/9/2024
وبعد يوم أرسلت تقول:
السلام عليكم
وبما أنها خربت خربت آه أنا غريبة جد عندي فوبيا من إني أطلع على قدم حدا مابقدر أطلع وحتى لو حطيت حاجز بيني وبين الشخص ما بقدر إلا لما ينزل قدمه ومرة تقبلت إني رجل أحد تلمسني بس بعدها رجعت لنفس الإحساس بأني ما بقدر أتطلع بالمرة مش على كل على كم شخص يعني المنظر بقرف منه وكمان عندي مجموعة من الدباديب أنا بشوف إنهم ببتسمو وبعصبو يعني بتتغير ملامحهم في واحد تحديدا هو كتير بلاحظ وواحد تاني يمكن بتخيله هيك مش قد الأولاني وبخصوص موضوع غرابة الأطوار كل الناس بشوفوني هيك أغلبهم يمكن واحدة ما فكرتني هيك الكل يقول لي أول مشفناكي قلنا إنك غريبة وفي ناس بتقول إن ورائي سرا وبنظرهم أنا شخص بنحكاش معو مع إني عادي يعني بدي صاحبات بس بنفس الوقت كانت تجيئني مشاعر كره وما بعرف لو يلي ببالي هي مبررات ولا لا بس أنا خلص تخلصت من ها الشيء بس جد جد كنت أكره الناس فجاءة وأحاول ما أبين لهم.
لما فهمت أن أنا بعمل أشياء غلط زي هيك وبخصوص موضوع الدباديب عندي إحساس مع إن مش منطقي بس إن هم يعني أشخاص بس بدون روح يعني مش عارف زي حقيقين بس فش فيهم روح بعرف أنه غلط هاد الكلام بس بحاول أوصف وموضوع غريبة الأطوار رحت أبحث عن يلي كتبتم لي ولقيت أن هاد الحكي مهم فقلت أقول لكم مع أنه يهمني بصراحة ما يهمني ما عندي مشاعر بالمرة، بس خوف وتوتر وبصراحة آه عيطت لما قرأت كلامك وأن في احتمال وخائفة جدا بس أحاول أنكر بس بنفس الوقت أنا تأملت فيكم بعد ربنا إنه يعني حدا يثبت لي أني مش غلطانة وأن كل هاد مش منطقي بس بالنهاية يطلع في احتمال وجد أنا غريبة أفكاري غريبة مشاعري غريبة تصرفاتي غريبة كل شيء فيّ غريب.
مرة سمعت قصة أن واحدا ما بكبر بالعمر وهاد الشخص مكروه وأن ربنا خلاه شخص مش عارف إيش نسيت فأنا صرت أحس أن هاد الشخص هو أنا بس بطلت أحس هيك بس بحكي ومش عارفة جد إذا هاي آخر رسالة بعرف زهقتكم، بس ما بتذكر كل شيء مرة واحدة وبخصوص أروح دكتور وما بعرف شو أول شيء أنا ما بدي أحمل أهلي همي وعدا عن أني قلت لأمي وبتشوف أن هاد الشيء عشان أنا بعيدة عن الدين وأن هاي أوهام بتعصب لما أفتح الموضوع وحرفيا ما حدا فاهم علي آه .
وسابقا وقت وسواس الكفر صارت تجيئني أفكار كل ما أنتقل من فكرة لفكرة أحس أنها أسوأ شيء ممكن أصل له وأن هاي المرة جد كفر وأصير أحكي لو أني انتحرت لما كنت بهداك الوضع ودائما أقول هاي أسوأ مرحلة لحد ما وصلت للقتل طبعا وفش أسوأ من هيك جد هاي المرة وموضوع الانتحار آه عندي أفكار انتحار بس مش عارفة أنا ليه ما بعملها ولا ليه معاملتها زمان أنا قرفت خلاص أنا بستسلم جد ما كنت أريد أكفر كفرت استهزأت الله أعلم استهزأت قذف ويمكن قذفت كل الذنوب يلي خفت منها عملتها والله جد فش أمل كنت أقول شو لا مستحيل تصل للقتل ووصلت مش هيك الحياة يعني مش هيك ولا شيء ضابط لا دنيا ولا آخرة ومعي تحديدا رجاءا رجاءا لاتحكوا لي أتوب لا تحكوها مبكفيني يلي فيني وتأكد لي كمان أني أذنبت.
لو سمحتم ما تحكوها ما بتحمل أنا لمجرد أسلوب يمكن حكيتم من باب التطمين أنه مش بالعمد كانت سبب بأني تدمرت مرة ثانية، كل يلي حاولت أعمله إني أنسى القصة وأقنع حالي أن هذا كله هبل خرب.
21/9/2024
ثم بعد 4 أيام أرسلت تقول:
الحمد لله أن ربنا ساعدني
اكتشتف أن الزلمة يلي جاءته جلطة جاييتو قبل لا أفكر فيه أصلا الحمد لله أن ربنا ساعدني أنقذني عنجد هسا احكوا لي شو أعمل بالأخص أن أنا لسا بالمدرسة، وأكيد ما بقدر آخذ أدوية وهيك شغلات بدها وصفات أما عن عيلتي مش مهتمين وما عندهم هاي القصص فعن جد شو أعمل عشان ما أظل أفكر بها الطريقة لأني صرت أحس أنه جد هاي صارت طريقة تفكيري الله يعيني وما يصير أي شيء لحدا يارب ما يصير.
والله ما أنا حمل أي شيء والله خلاص شو في إشي بقدر أعمله؟
وشكرا لكم كثير، جد شكرا.
25/9/2024
رد المستشار
الابنة المتابعة الفاضلة "Lenas" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
ما زلت تناقشين نفس الأشياء وتسألين نفس التساؤلات، ونحن حقيقة نرى أمامنا حالة تصف أعراضا مرضية نعرفها ونعرف طريقة العلاج منها، كما نعرف ألا وجود ولا تأثير لتلك الأعراض على العالم الخارجي، هذا بالنسبة للأعراض وطريقة تعبيرك عنها، ولكن الحسد أو العين هما من الأمور الغيبية التي يمكننا نفي أو إثبات حدوثها لأننا لا نراها... فقط نرى ما قد نفسره نحن بأنه حسد أو عين ويفسره آخر بأنه عقاب من الله وآخرون بأنه ليس أكثر من صدفة كل هذا تحتمله التفسيرات المختلفة لموقف واحد من مثل ما حكيته لنا.
وأما ما قلناه وتسبب في زيادة مخاوفك ورفضك فليس أنك كنت حاسدة أو عائنة فهذا أمر لا يعلمه أحد بعد الله سواك أنت وأنت لا تفعلين هكذا ولا تفكرين هكذا... لكن لأننا لسنا أنت وليس لدينا شيء من علم الغيب فكان لزاما أن نقول ما قلناه ردا على فرط رفضك أن تكوني مذنبة وهمنا أن تفهمي أنه لا ذنب عليك، حتى لو اشتمل الأمر على حسد أو عين، ولم ولن نطلب منك أن تتوبي لأن أحدا لا يتوب بسبب مرضه.
في هذه الإفادات كذلك ما يشير إلى التعمق في تحاشي الذنوب أو التقصير وفرط الضمير وهو ما يدعم رؤيتنا لحالتك على أنها تمثل عرض وسواس الذنب التعمق القهري، كما نراك أوردت في الإفادات أيضًا ما يدعم تخميننا بأن لديك سمات تفكير الشخصية المضطربة من المجموعة غريبة الأطوار، ونذكر بأن وجود ذلك مع عملية وسواسية نشطة تتحرك من الكفر إلى القذف إلى الخوف من الحسد أو الذنب وكذا وجود قابلية للاكتئاب كل هذا يستوجب الحركة السريعة باتجاه العلاج لأنه حتى مع اطمئنانك بعد معرفتك بأن الجلطة أصابت الرجل قبل أن تفكري به فإن المشاكل الوسواسية لن تلبث إلا وتعود إما بنفس الشكل مع آخرين أو بشكل جديد.
ولا نستطيع والحال ما وصلنا عبر إفاداتك المتلاحقة أن نتوقع أن حالتك تمكن مناجزتها دون الحاجة للعقاقير إضافة للعلاج السلوكي المعرفي، ولكننا نستطيع طمأنتك بوجود عقاقير آمنة إلى حد بعيد وأنك إذا كنت نشيطة بما يكفي لتنجزي المهام التي تطلب منك في العلاج فقد يمكن لمعالجك سحب العقاقير بعد إكمال العلاج والتدرب على عدم الانتكاس.
إذن عليك كما قلت سابقا: سرعة التحرك للحصول على الكشف الطبي واستكمال التشخيص ثم الحصول على العلاج، ولا يمكن حل مشكلتك بالتواصل النصي مع المواقع الإليكترونية... عليك أن تنفذي ما نصحنا به ثم عاودي الإرسال بالجديد.
ويتبع>>>>>>>: وسواس الحسد وسواس الكفر و.ذ.ت.ق م5
تعليقات الأعضاء