سلوكيات جنسية في الصغر
السلام عليكم ورحمة الله وبركاته، في البداية أحب أشكر كل القائمين علي الموقع وخاصة دكتور وائل أبو هندي الذي أتمنى يرد على الاستشارة دي
الموضوع عندي إني أعاني من وسواس الشذوذ بقالي سنتين تقريبا رحت لكذا دكتور وخدت أدوية كتير وبدأت فعلا أتغلب على الوسواس في أوقات كتير جدا، بس مشكلتي هي الذكريات الجنسية قبل البلوغ !!
أنا شخص عادي طبيعي وبميل لغير جنسي ومفيش أي مشكلة حتى لما بدأت أحس إني بميل لنفس جنسي لما جاء لي الوسواس من سنتين عرفت إن ذا مجرد وسواس مش ميل وفعلا بلاقي نفسي طول حياتي اهتماماتي طبيعية تجاه الجنس الآخر حتى قبل البلوغ
المشكلة إني لما كنت صغير وأنا في سن التسع سنوات تقريبا أو أقل كنت أنا وابن خالي بنخلع ملابسنا وبنلمس أعضاء بعضنا وكذا وكنت ساعات واحنا بنعمل كدا بقوم بحركات أنثوية !! كل ما أفتكر إني بعمل كدا بحس إن دا مأثر علي رجولتي وإني اللي كنت بعمله ده ممكن يخليني شاذ رغم إني متأثرتش بيه نهائيا قبل البلوغ ولا بعد البلوغ، وبرضو تقريبا ماعملتش كدا غير مرات معدوده تقريبا خمس ست مرات
أنا لحد الآن في اكتئاب وخنقة بسبب اللي أنا عملته ونفسي أرجع صغير تاني علشان ماعملش كدا وحاسس بنقص بيني وبين كل الرجال بسبب اللي عملته
في النهاية ذي الأسئلة التي نفسي ألاقي إجابة ليها:
1- هل اللي كنت بعمله دا ليه تأثير على المستقبل
2- إيه سبب التصرفات الأنثوية اللي كنت بعملها رغم إني لسه ماكنتش أعرف حاجة عن الجنس
3- هل السلوكيات الجنسية اللي كنت بعملها دي عادية ولا تستحق القلق فعلا
آسف على الاطلاع
وشكرا لكم جميعا
30/8/2020
رد المستشار
الابن الفاضل "Ahmed" أهلا وسهلا بك على مجانين وشكرا على ثقتك، واختيارك خدمة استشارات مجانين بالموقع.
مثل هذه الذكريات الجنسية قبل البلوغ !! لا تعني أكثر من لعب أطفال يهدف للتجريب والاستكشاف والتعلم .... لكنها بالنسبة لمريض الوسواس القهري يمكن أن تمثل مادة غنية للوسوسة..... والوسوسة في أغلبها هراء.....
أجيب بعد ذلك على أسئلتك :
1- هل اللي كنت بعمله دا ليه تأثير على المستقبل ؟
لا تأثير له إلا بقدر ما تقرر أنت مما تضع له من أهمية واعتبار.
2- إيه سبب التصرفات الأنثوية اللي كنت بعملها رغم إني لسه ماكنتش أعرف حاجة عن الجنس ؟
لعب أطفال !! كما شرحت لك أعلاه.
3- هل السلوكيات الجنسية اللي كنت بعملها دي عادية ولا تستحق القلق فعلا ؟
عادية ولا تستحق شيئا .....
من فضلك يا ولدي ..... واصل علاجك واسأل معالجك عن العلاج السلوكي المعرفي للوسواس القهري.
اقرأ على مجانين:
ذكرى اللعب الجنسي كل هذا العذاب !
لعب جنسي ووساوس ... للقصة بقية !
لعب جنسي أم تحرش وماذا بعد ؟
لعب جنسي ومعاناة مع ذكريات الطفولة
ومرة أخرى أهلا وسهلا بك دائما على موقع مجانين فتابعنا بالتطورات.