|
| 
|
السلام عليكم ورحمة الله
أنا من قراءتي لمشاكل نوبات الهلع عرفت أن ده المرض الذي عندي وشوية عقد فوقيهم مش مخلياني أعيش حياتي أنا أول مرة جاءت لي كنت في ثانوية عامة قمت من النوم على خوف شديد وضربات قلب سريعة وخفت أموت من كثر دقاته ومش فاكرة فترة قد إيه استمرت معايا وبقيت أخاف أكون مش في الدنيا كأني بحلم.
المهم خفيت منها سنين راحت لوحدها وجاءت من حوالي شهرين بقت كل يوم مبقتش أروح عزومات وأخاف أروح حتى لآخر الشارع أشتري حاجة ووصلت لدرجة أن الشغل بينه وبين البيت 5 دقائق بقيت أخاف فيهم ومحبش والدتي تقولي اشتري حاجة حتى من تحت البيت وقلبي والرعشة فظيعة وأحس أني سأقع في الشارع ومحدش حيعرف عنواني وحموت ومحدش حيعرف مكاني وقلبي دقاته تلخبط.
أنا تعيسة أوي ده غير أني بخاف من قفل الباب عليَّ (الحمام أو غرفة خلع الملابس في أي محل) ومنظري قدام الناس بقى يحرج حتى الأسانسير مطلعش فيه ومحبش الغرف من غير شبابيك ولو ركبت قطر يتهيأ لي أنه حيولع وحموت جواه أو أني حيحصلي حاجة ومش حلاقي مستشفى تلحقني ومش قادرة أقول لمامتي حاجة لأنها متستاهلش إنها تعرف أن بنتها الوحيدة مريضة نفسيا دي غالية عندي.
ده غير الخوف إني أقعد لوحدي في البيت وأهم حاجة أني بحب إنسان أوي وهو كمان والمفروض يتقدم لي الشهر الجاي وطبعا مش عايزة أتجوز افرض وأنا في الكوشة أو حتى وإحنا خارجين خفت حعمل إيه ساعتها أنا مش عارفة أعيش وأكيد مش حتجوز.
أنا بدعي ربنا في الصلاة أني أنسى الخوف ومش عايزة أي حاجة من الدنيا وقريت كل حاجة في الموقع عن المرض وبرده بخاف تفتكروا فعلا حتجوز في يوم وحموت من كتر ضربات قلبي وهل الجواز ممكن يكون وسيلة علاج ويريح نفسيتي لأني بحبه وبحس بسعادة معاة ومتشكرة لتعبكوا نفسي أرتاح.
29/06/2008
رد المستشار
أختي "عيون محتارة"؛
السلام عليكم ورحمة الله
أسأل الله لك الشفاء والعافية ولا تقلقي فالأمر بإذن الله سهل والعلاج متوفر ولله الحمد.
الذي أراه من وصفك ان حالتك كما ذكرت نوبات هلع مع أقورافوبيا panic disorder with agoraphopia والذي يتشكل في نوبات هلع مصحوبة بخوف من الأماكن التي يصعب الحصول فيها على معين أو مسعف سواء في الغرفة المغلقة أو المصعد أو الطائرة أو حتى الخروج من المنزل إلى مشوار بعيد أو قريب أحيانا بدون أن يكون هنالك من يرافقك وهذه الأشياء في الغالب تكون بسبب الخوف من نوبة الهلع أن تأتيك في هذا الموقف.
بالنسبة لقضية الزواج فتستطيعين الزواج إن شاء الله ولا خوف عليك مما ذكرت لكن أنصحك بما يلي:
1- استشارة طيب نفسي في أقرب فرصة وبدء العلاج النفسي سواء كان ذلك بالعلاج السلوكي المعرفي أو العلاج الدوائي وفي الغالب نفضل الجمع بين الاثنين للحصول على نتائج أفضل.
2- الاستعانة بالله وعدم الاستسلام للمرض ومحاولة التغلب علية بشكل تدريجي وهذا ما ستتعلمينه في العلاج السلوكي المعرفي.
أخيرا أحب أن أنبه إلى قضية مهمة وهي عدم استعجال النتائج فالعلاج النفسي غالبا ما يكون تراكميا ويحتاج إلى وقت للحصول على أفضل النتائج الأمر الآخر عدم إيقاف الدواء حتى ولو كان التحسن 100% فلا بد من فترة وقائية قد تستمر من ستة أشهر إلى سنة من بعد التحسن التام وبنفس الجرعة ومن ثم تخفيفها بشكل تدريجي.
واقرئي على مجانين:
من نوبات الهلع إلى رهاب الساحة
من نوبات الهلع إلى رهاب الساحة مشاركة
تحياتي لك أختي وألف سلامة
ويتبع>>>>>>: عيون محتارة نوبات هلع مع رهاب م
تعليقات الأعضاء