|
| 
|
تشخيص طبيبك صحيح... التزمي بدوائه م2
مش عارفه اعمل إيه؟؟ تعببببت
السلام عليكم، أنا بدأت اروح لدكتور نفسية وعصبية بس من غير ما حد يعرف في البيت، أنا رحتله عشان تعبت جداً وإيدي وجسمي تقريباً اتشوهوا من كتر الجروح اللي فيها، المهم إن الدكتور مصرّ إني أجيب مامتي معايا وأنا مش عارفه اعمل إيه، ده صعب جداً أو مستحيل تقريباً لأن ما حد بيعرف من أهلي وبيغصب عليا في الدواء أنا ممكن أموت فيها.
والله أنا بحاول اعمل اللي عليا قدام ربنا وأنا رحت عشان خاطر سمعت كلامكم لكن أنا جوايا مش مقتنع ب ولا حرف وكمان بحس إن الدكتور بيفكر تفكير غريب لما بيتناقش معايا... أنا اعمل إيه؟؟ مش أروح أموت نفسي أسهل؟؟ والله لولا إنه حرام كنت عملتها كل اللي بقدر اعمله إني بأذي نفسي وبس.
أنا عاوزه أقولك إني مش بشوف حد مش حقيقي والله ما بشوف أحلف علي إيه عشان تصدقوني؟؟ لو كنت بشوف كانت ماما ماسابتنيش أنا عادي عايشه معاهم طبيعي جداً في البيت ومش بتعب غير لما بكون لوحدي أفكار كتير بس وكل ما بحكي لحد عن أي حاجة بتحصلي كل ما بتعب أكتر، لما اروح لدكتور نفسي منظري هيبقي إيه قدام أهلي؟؟ مجنونة مش كده!! ما فيش حد هيصاحبني ما فيش حد هيتجوزني.
أنا مش اتجننت والله أنا بعرف اعمل كل حاجه بدرس وبساعد ماما وبهزر وبلعب وبحفظ قرآن... ذنبي إيه؟؟ طب أموت أهلي عشان ارتاح وأموت أنا بعدها، ولا أسيب البيت خالص وأعيش في أي حته لوحدي، ولا اروح أخد مخدرات وأخلص نفسي(سهل أجبها).
أنا حاسة إن دماغي هتنفجر كل يوم كوابيس بشوفها ارواح ناس عاوزه تأذيني طب يمكن ده من الجن؟؟ طب قلت يمكن إيماني ضعيف طب والله بحاول اعمل كل حاجة ترضي ربنا بصلي كل صلاة في وقتها وكل يوم بقرأ واحفظ قرآن ومش بتكلم غير كلام كويس وبحاول ارضي مامتي على اد ما أقدر... قولي أعمل إيه تاني؟؟ أو قولي اروح لمين يساعدني؟؟ وكمان فكرة إن كل الأدوية بتاعتكو بتخن الفكرة دي لوحدها كفيلة إنها تقضي على حياتي.
أنت عمرك ما هتتخيل كمية الأذى اللي بيحصلي لما حد بيعرف مشكلتي، طب والله لو أنا عارفه إن ده إبتلاء من ربنا وإنه بيحبني ومش بيكرهني وراضي عني مش هيهمني بس أنا حاسه إنه مش راضي عني عشان أنا ممكن اعمل حاجات تضايقه زي أذي نفسي بس والله غصب عني،
قولي أعمل إيه بقى ؟؟
مش أنت دكتور!!
19/02/2015
رد المستشار
شكراً على استعمالك الموقع.
الاستشارة من شقين:
1 - الشق الأول يتعلق بسلوك جرح الجسد. لا يوجد أي تفصيل آخر في رسالتك عن بداية هذا السلوك وطول مدته والظروف التي تدفعك لممارسته. من هنا لا يستطيع الموقع إعطاء النصيحة والرد على الاستشارة بصورة علمية.
2 - الشق الثاني من الرسالة يتعلق بالشكوى من الطبيب الذي يعالجك. رغم أن معظم الأطباء يعطي المريض حق الاختيار في استجواب الأهل بعد عمر 18 عاماً ولكن مثل هذا الطلب ليس بالغريب ولا شك أن طبيبك المعالج وصل إلى طريق مسدود في علاجك النفسي.
يبدو أن الطبيب المعالج لاحظ عدم استعدادك للدخول في علاج نفسي يتطلب تعاون والتزام من جانب المريضة وقرر إشراك العائلة في العلاج. بصراحة إن عدم معرفة الأهل بمشاكلك النفسية وإدمانك على هذا السلوك المرضي هو بحد ذاته مشكلة نفسية عائلية تعكس نظام عائلي لا يسمح بالتواصل بين الأفراد بصورة صحية. ربما إشراك الوالدة بالعلاج والحديث مع الطبيب النفسي قد يفتح لك أبواب الشفاء على مصراعيها.
أما الشكوى من عقاقير الطب النفسانية فلا أحب التعليق عليه لغياب التفاصيل.
أمامك ما يلي:
1 - تستشيرين طبيباً آخر.
2 - أو تشاركين الأهل في العلاج.
بعد قراءة استشارتك أكثر من مرة أميل بصراحة لمشاركة الأهل في العلاج.
وفقك الله.
ويتبع>>>>>>: تشخيص طبيبك صحيح... التزمي بدوائه م4
تعليقات الأعضاء