إيه اللي يرضيك

 كرهوني فيكِ

قالوا: فيكِ وفيكِ

وأنا بس وحدي اللي عارف إيه اللي فيكِ

ما أنا طول عمري في حضنك مدفياني ومدفيكي

وأنا من غيرك ما أساويش، ما انت بيا وأنا بيكِ

بس دلوقتي ما بقيتشي عارف إيه اللي يرضيكي


يرضيكي يكون خدي مداس للي طغوا فيكي

ولا أبيع نفسي للي ظلموكي وبيدفعوا فيكي

وأكون مع اللي باعوا مصانعك و نهبوا اراضيكي

واللي بيشبعهم جوع شعبك، وبينسوا ماضيك

واللي بيسعدهم حزنك ويتمنوا يفرحوا فيك

تعبت ومش عارف ازاي يا حبيبتي أرضيك


علموني زمان:

إن رئيسك اللي رافع راسي عالية هو أبويا

وأنك أنت ياللي وخداني في حضنك تبقي أمي

وهواك اللي بيسري بين ضلوعي هو روحي


ونيلك اللي بيجري في عروقي هو دمي


وفجأة صحيت على صوت شهيدك بيصرخ وينادي

الحق يا أخويا.. 

قتلوني في التحرير ونهبوا أرض بلادي

وأبويا باع أرضنا رخيص.. وراحت الفلوس برة

قلوا يا اخويا :هو أنت ياأبويا نسيت

دي الفلوس في تراب ارضنا ما تساويش ذرة


يا صبر أيوب إمتى حقوقنا تعود

وامتى يا ناس ها ترجع فلوسنا من بره

وامتى هارفع راسي وأقول وأنادي أنا مصري

يتعمل لي ألف حساب وأكون قائد جيوش عصري

ساعتها بس هاقول:قدرت يامصري

أسعدك وأرضيك وارفع علم مصري

 

 واقرأ أيضاً:
 الترهات الماكثة / نا حين لا تدلُ !! / يا ألله ُ ‍‍!! بعد 6 ليت أنا ما كبرنا!!!  / تقوى ! / كوفاد / من قصيدة لبغداد