خصام الحبايب

يومين وعدوا ودا التالت
وليه مصرَّة تخاصميني
وتاخدي صورتك من عيني
ولما صدفة تقابليني
تعدي ساكتة وأنا ساكت
يومين وعدو ودا التالت
**
وعنيكي بتعاند لسه
بتشوفني ما تبصش بصة
مع إن قلبك أنا حاسه
يهمس باسمي وأنا فايت
يومين وعدو ودا التالت
**
وزى حال قلبك قلبي
دقاته مش قادرة تخـبي
من يوم بعدتي واهي زادت
يومين وعدو ودا التالت
**
حبيبي رجعني لحضنك
ما تزيدشي من قسوة قلبك
دي ما كاتشي كلمة اللي اتقالت
يومين وعدو ودا التالت

واقرأ أيضا:
عودة سباعيات المجنون الفصيح(4)/ زمن الغابة/ نغومة بنتي/ حكاية عاشق/ الغربة / إلى مدمن!!!/ إلى مريض الهوس/ إلى مكتئب/ إلى مكتئب !/ إلى مريض الفصام/ إلى مريض الوسواس