خواء الروح : عرض الاكتئاب

 خواء الروح

أنا اسمى ندى من مصر محافظة الغربية ٢٥ سنة وزني ٦٠ كيلو وطولى ١٦٠ شهيتي معتدلة وأنا مجيدا لا توجد لدي هلاوس ولا أفكار غريبة لكن لا أهتم بنظافتي الشخصية ولا بملابسي كسولة لأبعد حدود علاقتي بأهلي أبي توفي وأنا عندي ٤سنوات أمي ربتنا أنا وأختي بتحبنا لكن أكره تحكمها في حياتي وأنا ضعيفة بسبب إني بكره زعيقها وبخاف منه أختي عادي لكن لا هي بتحب أفكاري ولا أنا بطيق كلامها أنا اتعالجت وما زلت من الاكتئاب والوسواس القهري الطبيب عبده الدد لكنه توفي ولكني أتابع مع طبيب آخر شُفيت من الوساوس والاكتئاب لكني مازلت أتناول الأدوية، مرضت وأنا صغيرة بعيب خلقي في القلب وعملت عملية ونجحت وأعيش بصحة جيدة رغم إني شفيت من الوسواس والاكتئاب، أشعر منذ الصغر أني غريبة، أشعر بالوحدة مليش هدف في الحياة، روحي كأنها جعانة محتاجة تلاقي طريقها كأنها حبيسة في سجن الجسد،

 حاسة إني غريبة حتى وسط أصحابي مختارتش أي حاجة في حياتي ولو أعطوني الفرصة مش هختار غلط لأني متهورة مندفعة كسولة عندي بلادة في المشاعر مش عارفة أحب ولا عارفة أكره، حتى الأفكار والمعتقدات أو المسلمات عندي فى حالة اللاسلم واللا حرب، أشعر بالفشل والإحباط والألم، بحب أتكلم كتير عن حاجات مدهشة وممتعة، وأحب النقاش وأحب أقول عن اللي عايزة أعمله والناس ياما مبيسمعنويش ويهاجموني، ياما زهقوا من كلامي، أنا تعبت، نفسي أعرف إي مشكلتي وأعرف أنا ليه اتخلقت، نفسي أشعر زي الناس مش أمثل الأحاسيس، أعرف هدفي ورسالتي في الحياة،

أنا بحب الخيال وأنا صغيرة كنت بكتب كويس لدرجة إن مدرستي في الابتدائي مكنتش بتصدق إن ده اللي أنا كتباها بنفسي لكن توقفت عن الكتابة وأصبحت عاجزة عن إخراج أفكارى وأصبحت حبيسة لأحلام اليقظة وقصص بنسجها في خيالي، مش أنا بطلتها لكن شخص غيري، وأنا واعية ومبسمعش أو أشوف هلاوس أنا بس بتخيل وبستمتع بده ده شغفي الوحيد، لكن أعمل بيه إي في عالم الواقع وكل ما اختار طريق وهدف أحس برضه بالضياع وبفقد الحماس فورا وروحي مش مرتاحة،

 أرجو الحل؟؟؟؟
8/11/2017