الوسواس القهري والتحول الجنسي

الوسواس القهري

مساء الخير أنا عمري 25 سنة من شيء عندي ولدين ست سنين لدي وسواس قهري واكتئاب وسواس العقيدة والمرض والطهارة والموت كلن مرضت فين بس هالمرة إجاني وسواس غريب هو وسواس التحول الجنسي الله يستر ووسواس الشذوذ الجنسي وما بعرف شو كمان.

المهم أول شيء فقت من النوم ما بحس بأي، شيء لا مشاعر ولا شيء حتى الإنسان الذي أحبه حسيت شيء غريب ناحيته قلت يمكن بس تبلد مشاعر... بعدين شفت جهازي التناسلي حسيت أنه مو عادي وأصبت بخوف وهلع وحسيت كأنه راح أصير ولد الله يستر وهيك. 

بعدين حاولت أقول أنه أنا بنت مو ولد بس، أحس أني فقدت أنوثتي يعني بعرف أني بنت بس ما بحس يعني قبل كنت شوف لبس بنات أتمناه وعادي أو ألبس كعب.. أحس بأنوثتي هلا كأني لابسة شيء غريب وما عم أستمتع بأنوثتي ما بعرف كيف أشرح وأقول أني بميل للبنات وأنا ما بمثلية ولكن يحاول رجل يحكي معي بحس كأنه غلطان إن أنا أنثى.. وأقول أن هذه بنت وهذا ولد لما سوف شخصين وأحاول أتذكر الشخص الذي أحبه وأقول أنا أنثى وهو رجل بس قبل كنت أحس، باحتياجي له وأنوثتي معه هلا كـأني بحس أني مو مكتملة الأنوثة وأني أنا مو أنا ما بعرف. 

المهم قصيت شعري من غير ما أحس لأنه كنت راح أجن واليوم صرت أشوف جسمي بالمرآة وأتفقد عنقي إذا لساتو أنثوي وعقلي، يقول لي أنه عنقك عم يتغير قبل كنت أحاول أستخرج عضلة يدي ما بقدر اليوم استخرجتها وحسيت كأنها عضلة رجل والله ما بعرف إذا هيك كانت وما كنت أنتبه أو ما كنت أعرف أستخرجها المهم وعقلي، بيقول لي أنه خلاص ابتديت أتحول الله يستر يارب تستر.
 
أستغفر الله أنا ما بعرف شو عم يصير فيني خايفة كثيييير دخيل الله ساعدوني دكاترة وادعوا لي بصلواتكم أنا شخص بعشق أنوثتي كثييير وكنت أحسها وأستمتع فيها وأدلع على الشخص الذي أحبه كأي أنثى هلا بحس أن "لطيفة" الأنثى مو موجودة كأنه متلبسة ما بعرف.

المهم شو أعمل؟؟؟
آسفة كثير دكتور
9/12/2017