|
| 
|
الشخصية التجنبية فاشل أم حائر أم مكتئب ؟ م8
أي حاجة
عيد ميلادي كان من كام يوم ومعاه حالتي النفسية زي الزفت بفتكر إني كبرت ومعملتش أي حاجة وشايف إني مش قد أي حاجة كنا بنتكلم أنا ومجموعة من صحابي في مشروع وهما بيتكلموا وبيقولوا رأيهم إذا كان يمشوا في المشروع ولا يعملوا المشروع بشكل تاني وأنا قاعد مش فاهم حاجة خالص وماليش رأي ومش عارف أقول إيه بتيجي هنا مشاعر الضياع وإني ماليش فايدة وأنا آخري حافظ كام حاجة ومش فاهم حاجة في الحياة وماليش مستقبل ومش بكسب زي زمايلي بيكسبوا حتى لما كانوا صغيرين.
أنا لطخ ما بعرفش أفكر حاسس إن مفيش حل عايز أموت نفسي وأنا ماشي جنب بحر بفكر أرمي نفسي أو أخد كل الأدوية اللي باخدها واخلص من نفسي، برضو في البيت بيقولولي أتجوز وأنا حاسس إني مش قد الجواز وقابلت بنت أصغر مني بكتير لقيتها بتعرف تتكلم وعندها طموح وأنا مش عارف أقول حاجة أو أتكلم عن حاجة عن المستقبل عن الشغل عن أي حاجة والمشاعر والأفكار دي زادت عليا عايز أموت نفسي بجد.
رحت لدكتور كنت بروح له عشان هو المتاح أروح من غير معاد مسبق والدكتورة اللي متابع معاها لسة معادها مجاش هيكون بكرة فالدكتور قالي أنت منهار كده ليه وكتب لي دواء جديد وقالي نعمل جلسات كهرباء وقالي أنت لسه ما اتجوزتش ليه فمعرفش هروح للدكتورة بكرة هنعمل إيه، مفيش حل للأفكار وأنا شايفها إنها حقيقة أنا مش ذكي زي زمايلي وماليش مستقبل وعايش كده في الحياة بالدفع ماليش مستقبل ومش هقدر أعيش في حياة أحسن من اللي عايشها وآخري هقعد مع أبويا وأمي لحد ماحد فينا يموت.
العلاج يعني هيزود الذكاء ولا هيخليني أعرف أتكلم وأتصرف وأبقى فاهم الناس حولي وهما بيتكلموا!!! مفيش علاج عمل معايا حاجة والحياة بتمر وأنا بكبر وأنا مش قد أي حاجة أهلي زهقوا مني الدكاترة زهقوا مني مفيش حاجة غير تغيير الدواء وجلسات كهرباء أو النصيحة اللي بتتقالي على طول إني أتجوز ومش عارف أعمل كده إزاي وأنا زي ما أنا ما بعرفش أفكر ولا أتكلم وممل وما بكسبش كويس وماليش في حاجة فاعمل إيه؟؟ أرمي نفسي ولا آخد الدوا كله على بعضه؟
أنتم مش حاسين بي بس مش قدامي غير إني أكتب
بقول حلي إني أدخل مستشفى لحد ما أموت أو أموت نفسي
22/1/2022
رد المستشار
شكراً على متابعتك الموقع للمرة الثامنة.
هذه هي متابعتك الثامنة مع الموقع ولم يحصل أي تقدم ملحوظ في نظرتك للحياة والمضي قدماً لمواجهة التحديات. استناداً إلى بياناتك الشخصية أن الوظيفة هي طبيب وربما هناك بعض التناقض في وصف حالتك النفسية من وجهة نظر شخصية وتقييم موضوعي على أرض الواقع. الصراحة المشكلة هي في صميم شخصيتك حيث تميل هذه السمات الشخصية إلى ضعف التواصل مع الآخرين، درجة عالية من العصابية، الميل إلى الانطواء وعدم الانفتاح على الآخرين. ربما كفاءتك الشخصية على تطوير نفسك فكريا واجتماعياً لها حدودها وعليك أن تقبل بواقع الحال بدلاً من إسقاط اللوم فقط على إصابتك باضطراب وجداني.
هناك مقاومة واضحة لتغيير حالك اجتماعياً ومهنياً ولا أحد يعلم سبب هذه المقاومة للتغيير سوى أنت والطبيب النفساني الذي يعالجك. في نفس الوقت لا توجد أي فائدة في مراسلتك الموقع أو غيره لأن الموقع لا يستطيع فحص حالتك العقلية وتقييم الحالة العقلية عبر المراسلة عملية بعيدة عن الدقة.
التزم بنصيحة من يعالجك وعليك القبول بضعف تكوينك النفسي والسعي إلى تطوير نفسك ومواجهة التحديات. هذه مهمتك أنت فقط.
وفقك الله.
ويتبع>>>>>: الشخصية التجنبية فاشل أم حائر أم مكتئب ؟ م10
تعليقات الأعضاء
10/02/2022 23:00:06
التعليق: سبب المقاومة هو ما قلته مرارا وتكرارا هو شعوري بعدم الفهم باحس إني تايه في وسط الناس مابوصلش للي بيوصلوا له هما دايما سابقين معنديش حيلة غير الحفظ ما بعرفش أفكر ،
ليه محدش بييجي ناحية الكلام اللي بقوله أنا بخبط دماغي في الحيط وخلاص ومحدش بيعتبر كلامي له معنى،
أنا مش فاهم حاجات من الردود يعني ايه درجة عالية من العصابية وده يتعالج إزاي ويعني إيه ضعف التكوين النفسي أنا ببقى منفتح على الآخرين عادي بس بحس بحاجة حاسس إني ناقص عنهم فيه حاجة ناقصة في القدرات العقلية
ويعني لما دكتور ينصحني إني أتجوز كل مرة ده حل؟ مفيش أي اعتبار لمستقبل العلاقة دي مع واحد زيي ومين اللي يناسبني وأنا حاسس إن معظم اللي بيتعرضوا علي أني أقل منهم وإني ماليش مستقبل